هل ستحضر زفاف من كنت تحب

موضوع: هل ستحضر زفاف من كنت تحب 2009-05-02, 5:44 pm

السـلام عليــكم أحبابــــي

لكل شخص قصة حب عاش فيها
وتعايش معها بكل تفاصيلها
وأحداثـــــها
ضحك منها أيااااااااام
وبكى منها بعض الأحيان
وسعدت بهاااا
وحلق في عالم المحبين أيام وليالي

ورسم خطوط للحظات اللقاء
ولكن ......!!!
بعضنا ختم هذه القصه بأجمل النهايات
وبعضنا انتهى حبه بالفراق
وبزواج الحبيب ... من شخص آخر
والأن توقفوا معي وفكروا بكل جديه
!!!
إذا دعتك حبيبتك أو حبيبك إلى حضور زواجها أو زواجه !!..؟؟
هل سوف تحضر ؟؟
وتنسى جروحك وتتمنى لها السعادة مع غيرك ؟
ام ستلعن اللحظة التى جمعت بينكما وتعتبر يوم زفافها اسود ايام حياتك ؟
برر موقفك إذا رفضت الحضور ؟؟؟
وأذكر السبب إذا وافقت الحضور

المبدع طيارة
لك التحية

افكر واجيك راجعة ان شاء الله
مشكور

بالتأكيد سأحضر 00 فكل شي قسمة ونصيب والحب إخلاص وتفاني
وما في القلب في القلب00 وإختلاف الرأي لا يفسد للود قضية00
لك التحية علي هذا الطرح المميز00 ودمت بخير00

الاخ ميرو مشكورة على المرور

الاخت العزيزة ريهام انا فى انتظارك
الاخ الحبوب ايوب البحر ؟؟؟؟؟؟؟؟؟ وين قلبك واحاسيسك

اسمع للاستاذ زيدان ابراهيم

في الليلة ديك لا هان علي أرضى و أسامحك

ولا هان علي أعتب عليك

شلتَ الجراح و الابتسامة وكل حرمان اليتامى

جيت أهنيك و أصافحك…… جيت أقول مبروك عليك

و مديت يميني بلا كلام

ما قدرت قدامك أقيف

ورجعت حابس أدمُعي

في الليلة ديك

و الناس تشارك فرحتِك

حسيت بأني غريب هناك

وغريبة أنتي في دنيتك

حسيت معاني الفرقة حسيت …… بالوجود ماخد سواد من حنتِك

شفت الدموع خلف الرموش

مكبوته بى حسرة وضياع

ورعشة الكف الخضيض

مقرونة بي نظرة وداع

جابُ القدر في سِكتِك

****
في الليلة ديك

جيت أهنيك وأصافحك

جيت أقول مبروك عليك

الاخ طياره والاخوه ايوب وريهام و ميرو

انتو بتبالغو والله انا وانتو كمان مابتمشو وتجمالوا وتقولو انكم اقوياء الموقف صعب جدا
لكم ودي

كلاكيت تاني مرة
والله يا طيارة الحكاية فكرت فيها
وبالجد خيارين احلاهما مر
لكن في النهاية الامر لا بد منه
يعني يا اما تحضر او لا
وانا عن نفسي لن احضر
وتعقيب لكلام الاخ ايوب بإنها قسمة ونصيب والحب اخلاص
طيب لو كان مخلص زي ما بقولوا ليه مشى عرس واحده غير اللي هو مخلص ليها
زي ما الحب اخلاص
الغيرة شئ من الحب
وتانيا:
انا لن اهين نفسي امامه
وثالتا:
لو قلنا انك تمشي تحضر علشان توريه مدي اخلاصك ليهو
صدقوني ما بفيد لانو زمن الحب النادر والحب الجد تواري واختفي
اللهم الا من رحم ربي

ولكم فائق ودي واحترامي

الاخ الحبوب ايوب البحر ؟؟؟؟؟؟؟؟؟ وين قلبك واحاسيسك

يا طياره أنا من الاول قلت ليك الفي القلب في القلب00 وأقول ليك وين التضحية؟؟؟؟؟

وتعقيب لكلام الاخ ايوب بإنها قسمة ونصيب والحب اخلاص
طيب لو كان مخلص زي ما بقولوا ليه مشى عرس واحده غير اللي هو مخلص ليها
زي ما الحب اخلاص
الغيرة شئ من الحب
وتانيا:
انا لن اهين نفسي امامه

يا ريهام فترة الحب تمهيد للحياة الزوجية إحتمال يواصلو أو يفترقوا
وأحيانا بتكون في عقبات يصعب تخطيها 00 مش معقول يقاطعوا بعض
بس لو كان في خداع من أحد الاطراف 00 ما يستاهل أو تستاهل تلبية الدعوه
بعدين الحكاية ما فيها إهانة بالعكس لو ما كان مقدّرك ما كان اذكّرك يوم عرسو
وطلب منك الحضور00

عن نفسي مريت بالتجربة دي 00 بس أفترقنا عن حب ويوم عرسها باركت ليها بالتلفون
لاني كنت هنا في السعوديه 00 عادي زي الزبادي

ايوب البحر كتب:: يا ريهام فترة الحب تمهيد للحياة الزوجية إحتمال يواصلو أو يفترقوا
وأحيانا بتكون في عقبات يصعب تخطيها 00 مش معقول يقاطعوا بعض
بس لو كان في خداع من أحد الاطراف 00 ما يستاهل أو تستاهل تلبية الدعوه
بعدين الحكاية ما فيها إهانة بالعكس لو ما كان مقدّرك ما كان اذكّرك يوم عرسو
وطلب منك الحضور00

لا يا ايوب ما عادي
الخداع اسوء شي في الحياة
وانا ان كان هناك من يخدعني او يحاول فليعلم انني لن اسامحه ابدا .
وهنا قد يختلف شكل ووقوع الحالة من انسان لانسان اخر
نعم نتواصل او نفترق وهناك عقبات يصعب تخطيها ولكن في حدود المعقول .
وهنا لايهم ان حضرت زفافه / ها
ولكن واقع الخديعة اكبر من تقف قدماي اسفل عينيه او تصافح يداي يداه
يعني ما زبادي
( تتعشي بي سمك وتختمها بكوب حليب )

لا يا ايوب ما عادي
الخداع اسوء شي في الحياة
وانا ان كان هناك من يخدعني او يحاول فليعلم انني لن اسامحه ابدا .

مافي حد يقبل انو يكون مخدوع يا ريهام وأنا قلت لو في خداع مايستاهل أو تستاهل / الحضور

يعني لازم نعرف سبب الانفصال ايه00 لكي التحية علي آرائك النّيره وتواصلك

جفله
شربت اللبن 00 بس ما أتعشيت سمك لانو ما بتفقوا

الاخ العزيز طيارة
اشكر علي الموضوع الساخن
الاخوة المتداخلين والمناقشين
تحيات عطرة ليكم
والكل ابدي وجهة نظرو في الموضوع وانا جيت طائر
لمن لقيت حمي النقاش اشتدت
ومن وجهة نظري اتفق مع الاخ الدكتور ودفع الله في انو الموقف صعب
وكلام اختنا ريهام في انو خيارين احلاهما مر
ما بحضر في حالة انو هي تكون لها الطرف الاكبر في انتهاء العلاقة البينا
لانها بالدارجي كدا ( باعتني ) وباعت حبي بابخث الاثمان
وشافت واحد غيري واصرت انها تعرسو في الحالة اضغط علي شئ
وما اهين نفسي لانو يعتبر (شاكوش)
وبمشي بحضر زفافها في حالة انو ماكانت بيناتنا قسمة
يعني يكون زي ما قال ايوب وجود عقبات منعت زفافنا
ونحنا الاتنين دايرين بعض بس الظروف ما ساعدتنا
هنا لازم امشي احضر واخدم لانو الكان بيناتنا اكبر من انو العريس الجديد اداني ( شاكوش )
واي زول ممكن يعمل كدا واسالو المجرب ولا كيف يا ايمن
ولكم خالص محبتي
وان عدتم عدنا

اكيد لا مابحضر الا اذا كنت بلا احساس
لأنه عندما ابتعد عني علي ان امحاه من ذاكرتي

ولا اقبل مشاهدته او النظر في عينه
{ ومن يولد ليزحف لا يعرف الطياران }

الاخوة والاخوات مشكورين كلكم على المرور

واللة الموضوع مش ساهل ذى ما بقول وطبعا كل واحد لهو راي
ولكن يبقى الجرح فى القلب طبعا وكمان انت بعيد زيك يا ايوب والله
الله انا خائف تكون تسمع الحفلة فى سرير بس دى لو ما كان شاكوش
وانت عارف اسماعيل عندوا الاسرار عشان كدا قال يا ايمن وتانى كمان فى حب
الجامعة وانت امك تكون جاجزليك بنت اهلها طبعا بيكون مافى تاثير وبيكون عادى زى
الزبادى . ولكن فى النهاية كل شى قسمة ونصيب ويبقى الحب ودعاء على الحب

:: حبى انا ليك كان زادى

حـبـى أنــا لـيــك كـان زادى كـان جوه الحنايا دفين
كـتّ بـضـــارى مـن الـنـاس وخايفه عليهو من العين
عـلـيــهــــو كــت بصــوم وافطر عليهو بكابد النارين
كـــت بـحــســب سنـيـن الغربة لما تعود تجينى متين
وكـــت بــــرجــاك فــوق الـنــار لما وكت لقانا يحين
نونس فــى بـراءة أطفال وفى الحب نروى ننهل زين
وكـلــمــا يــوم يـــزيـــد البـيــنا لـمـا بقينا قاب قوسين
اتارى أنا كت فيك مخـــدوعه وكم من زي مخدوعين
مــا قــايــلاك حـبــيـــب آلاف وقـلـبـــك قبله للضالين
ومــا قــايــلاك بتـنسي حبيب صبر راجيك سته سنين
وســاهـــر كـم لــيـــالــى طــوال يـتقلب شمال ويمين
كـيــفــن يـهــون عـليك تنساهو زولاً كان عليك حنين
وتـشــغــل بــالـك الأشــواق لــمــّن تـزبــــل الياسمين
كــت دايــراك بـسـمة عريضة فى وجه الزمان الشين
وكــت دايــراك سـاعة الحاجة تبقى ليّ دخرى خزين
كــت دايــراك مـقــنــع حـوبــه وكتين المضارى يبين
وكــت دايــراك فـارس احـلامى تـشاركنى ونتم الدين
وكــت دايــراك أمــل بـســام يــزيــل ألم البعاد والبين
كــت دايـــراك شـريـك الروح واخدمك حافية القدمين
وكــت بـحــلــم بك انت معاي مجرتق بالعديل والزين
جنـبـك فـى يــمــيـنــك قــاعــده نـسمع فى دقر يا عين
تـبــشـــر زيــن مــع الأصحــاب وتتشـبـل من الوزين
أنا الأبـحــرت راكــبه الموج اكيد مرسايا بين موجتين
وداعــاً يـا زمـن ظــالـــــم وبــالأفــــراح عـليّ ضنين
وداعــاً يـا قـــلــب قـــاســـي لا بـيــحـــــــن ولا بيلين
وداعــاً يـا ســراب خــداع محال ما بيروي عطشانين
وداعــاً يـا كــلام معـســول حــدو ومكـمـنـــو الشفتين
وداعــاً يـا سحـابـة صيــف شايلى مطر ضليلا رهين
تبـشــر بـى خـريف جايـيـنا ياما الناس رجوهو سنين
كل زولاً يـفـكــر فـيــهــا مـا مـعـــروفـة تـنــزل وين
وألف سلام عليك يا قلبي المـسـالم وديمه طبعو حنين
يتـاورو الـشــوق ويلعـب بيـهو تنحر فى حشا السكين
تـعــاودو الـذكــري تــنــتـر جوا حالو يحنن المسكين
أخــيــراً مــى لـيــك سلام وقبل ما تجف دموع العين
وقـبــال مـنــى مــا تـعـــدى وقــبــال الفـراق ما يحين
بخيت وسعيد عليك إن شاءالله يـبـقالـك عـمــار وبنين
وقـلـبى أنـــا خـلــى فـى أنـاتو بـعـدك ياما راجى أنين
ولو كــان يــا قـلــب حـبـيـت بـعـدو بعـد قسمت يمين
مـا يـنــتـــمّ لــيــك مــراد لا تضـوق لا حلو ولا زين
وتفضل طول حياتك تبكى طول عمرك تعيشو حزين
وعـمـرك مــا تجـيـك سـعــادة مـا تـتـهـنــا قـول آمين
وتـــانـى الحـب عليك حرمان ووعد الحر أمانه ودين

مشكور الاخ طيارة على الموضوع الراقى وانا بقول الحتة دى بتتوقف على شخصية الانسان ومدى تقلبة لظروف الشخص الاخر لاكن انا فى وجه نظرى بعتبرا عادية جدا انو الحبيب يشارك حبيبته فى زواجها والعكس صحيح غايتو انا من ناحيتى بشارك فى الفرحة بكل صدق واحساس وفى النهاية الحاجات دى قسمة ونصيب وربنا يهدى النفوس

يا طياره مرة تانية بقول ليك مشكور كتير علي الطرح المميز

صراحة أججته المشاعر وخليت الشباب يتفاعلوا0000
وكمان مشكور علي قصيدة (حبي ليك كان زادي ) للشاعر الفحل علاءالدين أبو سير

وطبعا القصيدة دي علي لسان بنت وهي واقعة حقيقية وفي شاب رد عليها بالتالي

حبك خلي زاد لي لليلة
الحب لسي دربوا طويل
الصوم والفطور معروف
للاخلاص هو ديمة دليل
ماليك ومال حبيب الغربة
الجنبك هو جمل الشيل
لا ترجيهو لا يرجاكي
يشوفك بالنهار والليل
تونسي في براءة اطفال
دوام ليك بيعدل الميل
لما يزيد عليك الشوق
تميلي عليه يبقي ضليل
في طبعه الخداع معدوم
للعين ضمه يملي يكيل
لا يعرف لعب لاغش
ماسك دربوا ماشي عديل
حبو شريف وقلبه نضيفه
وطبعه سمح وهدفه نبيل
ما بنساكي حاشه وكلا
ولدا ديمه طبعوا أصيل
البال ما انشغل بسواك
انتي براك ست الجيل
مقنع ليكي وللجيران
وكل عشمان منه يشيل
دا فارس الحوبة والاحلام
وقت الناس دماها تسيل
تخدميه القدم حافي
ولي روحك هو يبقي زميل
والموج منه هو بيحميك
ده ضوء الظلمة قمر الليل
بحلم بيك والجيرتق
ذيك ما في ليه مثيل
تقعدي في شمال وجنبه
من عين خلقه الله كفيل
يبشر زين تهيج الداره
يتعطر من الشبيل
وداعا يا سراب خداع
مرحب بقدوم السيل
وداعا يا حلم عابر
خلاص ارتح من الملميل
وداعا ياكلام معسول
لا اسفا عليك لا ويل
وداعا ياسحابة صيف
خريفا يصل يعبئ يشيل
عارف سكته الماشيها
قاصد ريفنا يروي شتيل
قلبك سلميلي عليه
خلي صميم وشدي الحيل
والشوق البتاور فيك
مع سكينه ارمي وراك هناك في النيل
خليك من اعادة الذكري
سيبي الجرسه والملميل
اظنك راضية بالمقسوم
مباركتك دي اقوي دليل
قلبك انعتق من سجنه
لا انات ولا تكبيل
ياوب انفتح لو الباب
بعد ما طال علي الطبيل
الهناء والسعادة انشاء الله
في جيدك تكون اكليل
الحب مافي زول تاب منه
سيبك من كلام ناس ديك
ابني عشيش سعادتك تاني
بي فد خطوة يبداء الميل

لا حولااااااااااااااااااااا
والله في ناس غايتو مفلقين فليق
وزي ما بقول المثل ( وما خفي اعظم )
...
...
...
النشوف اخرتا

الاخت ريهام

انتى ما تقولى والله ناس دى هل ستحضر زفاف من كنت تحب 827571704

والله حكاية
انت صاحب الموضوع يا طيارة
ودقيت الصفائح وطلعت الماطلع
السؤال موجهة ليك
ياريت تقول لينا هل ستحضر زفاف من كنت تحب ؟؟؟

الاخت ريهام

وانا عن نفسي لن احضر

السلام عليكم ورحمة الله وبركاته

عذرا للغياب بسبب ظروف دراسية ,,

أما عن الموضوع الساخن دا

أنا بقول مش ما بحضر لا مستحيل إني أحضر , وعن رأيك يا أيوب البحر في أنك بتحضر
ودا عادي عندك وانك بتشوفو دا اخلاص دا أكيد إحساسك وكل واحد إحساسو بيختلف , بس أنا متأكدة أنك ما بتقدر , ممكن تحضر بس حترجع وما حتستحمل وكمان نفس الكلام لخالد العبيد , وعن رأيي في أنو ما راح أحضر دا مش معناتو اني ما بتمنالوا السعادة بالعكس إلي بيحب بضحي .

السلام عليكم ورحمة الله وبركاته
أولاً :
الأخ طيارة أشكرك علي الموضوع الشيق والحيوي في نفس الوقت
مع أني جيت متاخر مريت علي كل الردود شايف الشباب نفسهم حار ومولع
ملاحظ في ردود الشباب في نوع من الخلط أو يمكن عدم توضيح منك بالتحديد
ثانياً :
لأن أنا شايف في رد ريهام علي أيوب تتكلم عن الخداع والخيانة
ودا يغير مجري الموضوع كله
لأن أي قصة حب تنتهي غير النهاية السعيدة في حالتين
الحالة الاولي :
إما بزواج واحد من الطرفين دون علم الطرف الأخر علي حسب المصلحة
ودا الاناني وبالتالي يعتبره الطرف الاخر خداع أو خاين
وعلي ذلك تأتي ردة الفعل
أما الحالة الثانية :
القصة التي تنتهي بتضحية أحدهم علي حساب نفسه لإسعاد من يحب
وعلي علم الطرفين وبالتراضي ودي يكون فيها نوع من التفهم

بعدين انا اول حاجة قبل ما اديك رأيي داير أعرف
وفي كل الحالتين