من بحر الدوبيت

موضوع: من بحر الدوبيت 2009-03-02, 8:08 am

يوم قسمو الجمال أدوكى روحو وقلبو

وأدوني السهر جفني الغميدة تغلبو
في التلت الاخير الواعي يعبد ربو
وأنا فتشت وين أبن الملوح و دربو

البارح كلام الناس بدور يفرقنا
كلو مرق كضب بعدين صفينا ورقنا
الدعجة أم شلوخا سته مالكة عشقنا
تتمايح متل قصبة مراتع الحقنه

العندو القرش الناس تعلي مقامو
والضاربو الفلس تتعوج القدامو
يحقربو الكديس دايما موالي حمامو

أخوك يا ريا وقت الخيول ادبكن
أخوك يا ريا وقت الرماح يتشبكن
أخوك جبل السبات وقت القواسي يحبكن
كم بكيت وكم قشيت دموع الببكن

وأبشـــــــــــــــــــروا

موضوع: رد: من بحر الدوبيت 2009-03-02, 8:17 pm

وأبشـــــــــــــــــــروا

ابشـــــــــــــــــــروا
أبشـــــــــــــــــــروا

البارح كلام الناس بدور يفرقنا
كلو مرق كضب بعدين صفينا ورقنا
الدعجة أم شلوخا سته مالكة عشقنا
تتمايح متل قصبة مراتع الحقنه

أخوك يا ريا وقت الخيول ادبكن
أخوك يا ريا وقت الرماح يتشبكن
أخوك جبل السبات وقت القواسي يحبكن
كم بكيت وكم قشيت دموع الببكن

وأبشـــــــــــــــــــروا

تسلم اخى يوب البحر وياريد لو كانت مسموع دى الحاجات الواحد بحبها شديد ولك احترامى
اخوك احمد طيارة

موضوع: رد: من بحر الدوبيت 2009-03-03, 3:37 am

هع
.
.
.

ابشر
.
.
.

أخوك يا ريا وقت الخيول ادبكن
أخوك يا ريا وقت الرماح يتشبكن
أخوك جبل السبات وقت القواسي يحبكن
كم بكيت وكم قشيت دموع الببكن

تسلم استاذ ايوب
وياريت لوفي مزيد تلحقنا
مشكور ياراقي
لك التحية

موضوع: رد: من بحر الدوبيت 2009-03-03, 8:39 am

الغالين طياره و أيمن 00 تسلمو علي المرور

وهـــــــــــــــاكم

دقيت اليمن انو القمر اتدلى
نص النهار سارح يحوم بالحله
غيمت السما وشرقت نجوم تتجلى
وانبهرت عيون عاجباها خلقة الله

شيشك يا جمل لا تكسر الدراب
سيدك ما بخاف ولو كشكشولو حراب
شيشك يا جمل لا تكسر الضانقيل
سيدك ما بخاف الوحده ومشي الليل

الشم خوخت بردن ليالي الحره
والبراق برق من مناجب القره
شوف عيني الصقير بجناحو كفت الفره
وتلقاها أم خدود الليله مرقت بره

وابشــــــــــــــــــــــــــــــروا