مساطيلXمساطيل

موضوع: مساطيلXمساطيل 2008-11-28, 12:18 am

-واحـــد مســــطول واقف شمــاعه في بص ماسك في الحديده بيد واليد التاني ماســـــك بيهو السجـــــــاره .. جاهو الكمســــــاري يخلص منو قال ليه ارح ادينا ياخينا ؟ المسطـــــول قاليهو اديك كيف ماشايفني ماسك بيدي الاتنين قاليهو الكمســاري خــلاص جيب امسـك ليك السجــــــاره ؟ قاليهـــــو ليييييييييييه ما تمسك الشماعه .
..........................
- اثنين مســـــــاطيل الاول يقول للثاني تصدق انت تشبه الحمــــــار ؟ الثاني قاليهــو قول ماشــاء الله
.........................
- مسطــول لقي اثنين في المقـابر يفتشو علي قبر ابوهم وهم يتغالطوا .. ياهو ده .. لا ماياهو ..ياهو ده لا ما ياهو...... قاليهم المسطول انتو دايرين تدوهو الفاتحه ولا مصـــاريف

-مسطـول إشتري سيــــــاره شبح جديدة لنج وهو ســــايقها فتح الراديو سمع هنا لندن .. قال إنعل ابو الســــــــرعه ذاتو
................................
- ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق . في واحـد مسطـول راكب في الكنبه الخلفيـــه قال للسـواق.. ياابن العـم شيل دركسونك وتعال معانا بي ورا
..............................
- مســـــطول مشي الحـــج قالو ليه قوم طـــوف واسعي ؟ قاليهــــــم إنتو مش قلتو كل شئ علي البعثــــــــــه

- واحـد عندو ارنب عاوز يبيعــــو جاهو واحـد مسطـــــــــول قال ليه القرد ده بي كم ؟ رد الراجـل : دا ارنب ما قــــــرد المسطول قال ليه يا ابو الشباب انا سألت الارنب ما سألتك انت ..
.......................
- مسطول سألوهو ما هو اصعب موقف واجهته في حيـاتك ؟ قال : موقف الــــحاج يوسف.

بالله عليكم التور دة مسطول وما مسطول
- مسطول جنو مظاهرات مشا الحج لقا الناس برمو في الجمرات حرق لستك
.....................................
- مسطول بصلى العصر واحد اتصل عليهو فى جوالو قال ليهو انت وين ؟ المسطول قال ليهو أنا فى التشهد

- مسطول إتصل بشاغل واحدة في تلفون بيتم قالت ليهو انت مسطول ولا شنو طوالى قفل الخط قال بالله شوف بت الكلب دي طلع عندهم كاشف
..................................
مسطول وقع في حفره حاول يطلع ثلاثه مرات من غير فايده. فقال:دي اخر مره لو ماطلعت ح امشي!!

- مسطول عندو ولدو الصغير عيان وداه الدكتور وبعد الكشف والفحوصات الدكتور قال ليهوالولد ده بيســنن لمسطول ر د والله انا زاتي قلت كده
..................................
-مسطول مشوكش سالوه عن اجمل بيت شعر؟؟ قال:كلما نربي كتكوت........يكبر ويفوت

موضوع: رد: مساطيلXمساطيل 2008-11-30, 2:28 pm

ههههههههه مشكور حبيبنا الغالى اسماعيل على النكات الحلوة , بالتوفيق

موضوع: رد: مساطيلXمساطيل 2008-12-01, 8:18 am

[center][font=Arial Black][size=24]
[font=Arial Black]مشكور خالد العبيد علي المرور[/font]
[font=Arial Black]لك التحية والتقدير[/font]
[/size][/font][/center]