ايوب البحر المـُـــراقب العام
عدد الرسائل : 362 الجنس : الموقع : السعودية العمل/الترفيه : موظف وسام الشرف :
| موضوع: مرتي..... و...... أنـــا 2010-05-27, 5:16 am | |
| الراجل جا داخل بيتو .... لقى المرا قدامو .... قاليها السلام عليكم .... المرا فططت عويناتا وقالتلو وعليكم السلام أها مالك الليلة .... غلطان في البيت وألا شنو ؟ ما من عوايدك تسلم الحاصل شنو ؟ قالها لقيت نفسي غلطان وقلته أتعدل شوية .... قالتلو بركة الحسيت ..... قالها طيب لو سمحتي ممكن كباية شاي بنعناع كارب كدا ؟ قالتلو حاضر .... قالها يحضر لك الخير .... مشت عالمطبخ ..... وعقلها عايز يتشل من كترة التفكير ..... يا ربي الراجل دا مالو ؟ الحاصل ليهو شنو ؟... ما من عوايدو ولا من طبعو يسلم وألا يتكلم بالأدب والرقة دي .... أكيد في سبب .... وقلبي ما مرتاح .... يكون اتعرف ليهو على وحدة تانية ؟ والله ممكن .... أصلو هو دخل في سن الأربعين .... يا ربي تكون جاتو مراهقة الأربعين البقولو عنها ؟ بصراحة أنا محتارة شديد .... بس أكيد في إنه في الموضوع ولازم أعرفو ..... تجي شايلة الشاي وتقولو إتفضل ..... تسلم إيديكي .... من يد ما نعدما ...... وهي سابحة في عالم تاني من التفكير ..... الـ غير الراجل دا بالصورة دي شنو؟ ..... شرب كباية الشاي .... والله شاي مظبوووووط خلاس تستاهلي عليهو هدية ..... ودخل يدو في جيبو وطلع ليها علبة صغيرة حمرا ملفوفة بورق سولفان ومربوطة بشريط أحمر في شكل وردة .... اتفضلي ..... مدت يدها المرتعشة ..... وعيونا مفنجلة من الدهشة .... هدية ؟ وفي علبة دهب ؟ ومربوطة بوردة حمرا ؟ يا خراب بيتك يا النايمة على قفاكي وما حاسة بالى بتعمل بوراكي .... فتحت العلبة .... خاتم دهب كبير وجميل ..... دا لي أنا ؟ قالها تستاهلي أكتر من كدا .... وتقول في نفسها الليلة دي ما ممكن تعدي على خير أصلو .... دا شي كبير وما ساهل العملو ..... قالتلو المناسبة شنو ؟ قالها بدون مناسبة .... قالتلو انا من يوم عرستك 9 سنوات ما جبت لي هدية .... الحصل شنو ؟ قلت ليك حسيت إني غلطت في حقك كتير وقلت ليكي حبيت أنعدل ..... وبدأت الأصوات تتعالى والمشكلة سخنت شديد وكواريك بصورة هستيرية شديد ...... طلع الراجل من البيت زعلان وطاااااخ قفل الباب ...... بعد مدة طويلة جا راجع البيت وجايب معاهو شريط مسجل ..... وقعد في نص الصالة .... ودخل الشريط في المسجل وعلاهو للآخر : الشريط للفنانة المصرية نادية مصطفى وبدأت الغنية : عملنا كدا ما عجبناشي وعملنا كدة ما عجبناشي قولولنا على حل يرضيكم وما يزعلناشي
| |
|