امثال سودانيه طازجه

موضوع: امثال سودانيه طازجه 2009-05-17, 3:18 am

** المرايه المكسورة تقسم الوش

** حنين الشوايقه ماطلّع ليهم بترول

** الدهب المسروق مابجيب تمنو

** العنقريب اذا اتقلب بطنويبقى ضهر

** نار القصب يضحكا الهوا

** أدروب كان أباك مابعزمك جبنه

** دروب الخير ماعايزه سؤال

** كباية الشاى البارده زى الفول بعد اللحمه

** آخر الشهر وشو واحد

** الكلام السمح يشرق السفيه

** الجات قسمتا ماتقولو انتظروا الكبيره تعرس

** الأحمق اذا زعل يتكحل بالشطه

** المصران الأعور عميان

** بكى الجزارين فى العصريه .. يجوع الفقرا

** اذا بلعك الحوت المقابضه مابتحلك

** الصاقعه لامن تضرب .. الدخول تحت العناقريب حلال

** الصقر مابرجع الكتكوت لأمو

** قعاد النيت الكتير .. يخلى مرتك تدفق فيك العصير

** لو غبت عن المنتدى .. تمسكنى لواية ندى !!

** البتجلط وشها بي ديانا ما بتوري البنات كيعانا

موضوع: رد: امثال سودانيه طازجه 2009-05-17, 3:54 am

ايوب والله حيرتني معاك
انت بألف الحاجات دي ولا تجيبها من وين
لذيذة بجد وكلها روعة
واحلي واحدة عجبتني
** لو غبت عن المنتدى .. تمسكنى لواية ندى !!
ندي دي منو ؟؟؟
تسلم يا رائع
لك التحية

موضوع: رد: امثال سودانيه طازجه 2009-05-17, 4:13 am

مشكور الاخ ايوب علي الامثال الكثر من رائعة
وصدقت في المثل البقول
** الصاقعه لامن تضرب .. الدخول تحت العناقريب حلال
اسأل ناس القضارف ويقوليك صدقت
لك التحية
ومت بخير

موضوع: رد: امثال سودانيه طازجه 2009-05-20, 8:17 am

قادر الله

ندي بقت تجيب لواية
الله يشفيك يا ايوب وان شاء الله ما تغيب من المنتدي

لك التحية وحقيقة طازجة

» حكم و امثال انجليزية الى العربية
» نكات سودانيه
» امثال لمختلف شعوب العالم
» امثال لمختلف شعوب العالم
» أمـثـال سودانيه جديدة لنج