منتديات مرسي القوافي
رائعة الشاعر اسماعيل حسن 376-ah10
رائعة الشاعر اسماعيل حسن Uoo_2_10

منتديات مرسي القوافي

سنظل شمسا تهب الضياء ولا تغيب
 
الرئيسيةالتسجيلدخول

شاطر
 

 رائعة الشاعر اسماعيل حسن

اذهب الى الأسفل 
كاتب الموضوعرسالة
ايوب البحر
المـُـــراقب العام
المـُـــراقب العام
ايوب البحر

عدد الرسائل : 362
الجنس : ذكر
الموقع : السعودية
العمل/الترفيه : موظف
وسام الشرف : رائعة الشاعر اسماعيل حسن Ousuo10

رائعة الشاعر اسماعيل حسن Empty
مُساهمةموضوع: رائعة الشاعر اسماعيل حسن   رائعة الشاعر اسماعيل حسن I_icon_minitime2009-07-08, 5:53 am


رائـــــــعة الشاعر اسماعيل حسن

في دُروب البنات يا يُمه00
ما اتبشتنّتَ 00 ما أتبهدلّتَ 00 ما أتغربّتَ دابي00!!
أتوكّرتَ في بلدنً00 بناتها بلا الخُيول الجامحة 00 فوق الريح تشابي00!
ُوجِوهِن يُمه 00
كان شفتي القمر لجلج 00 يضاحك في الروابي 00!!
عُيونن يُمه 00
زي بحر الشمال,,, الموج يولول والعِرق لافحني فايت 00 وا خرابي00!
سِنيناتنٍ يُمه 00
سِنيناتنٍ بلا شخب الحليب الصافي 00 يهرج في الكبابي 00!!
وِرِيقن يُمه 00
زي خمر التُمور المن زمان طامرنو في جوف الخوابي00!!
ِرقابن يُمه 00
ِرقابن 00 وين ِرقاب الريل علي الحدب البعيد 00 شرفن علي هوهيو كلابي 00!
وعُودنٍ يُمه 00
متل الخيدران 00 فدعوه 00 لي وجعي 00 وعذابي 00!!
ولونن يُمه 00
زي لون القمح 00 ضروهو شوف 00 ضراني كيف 00 الله بيضاريك يا الضرر صوابي00!
ِدريباتنٍ يُمه 00
عُقاب التيه ,,, ومافي خبير يشق الليل علي بلد الدوابي00!!
مُهورنٍ يُمه 00
غالي00 ما بقدر عليهن 00 وحاتك إنتي ما بقدر عليهن 00!
كمان شوفي المصيبة!!! ِنفيستي فيهن 00 منو البقدر يمد إيديهو لي كيس المُرابي؟؟
أصارع في الهلاك يا يُمه قاسي 00
والخبر المهم 00 ما قلتو ليكي00 قبل ما أنسى 00 في آخر جوابي 00!
ده شِيتن أصلي ما فكرتَ فيهو 00 وحاتك ُضُمه ما كان في حسابي 00
إرادة المولى مُـو خافي عليكن 00 وكان دسيتها لا بد يوم 00 تجيكن 00!!
ِخبيري مع البنات 00
والليل يهوّد 00
أهز ضرعاتي00
وأرفع في حجابي !!!!






















الرجوع الى أعلى الصفحة اذهب الى الأسفل
ابوالقاسم
مشرف منتدي همس القوافي وعذب الكلام
مشرف منتدي همس القوافي وعذب الكلام
ابوالقاسم

عدد الرسائل : 178
الموقع : المملكة العربية السعودية
وسام الشرف : رائعة الشاعر اسماعيل حسن Graaam-1e24adce792

رائعة الشاعر اسماعيل حسن Empty
مُساهمةموضوع: رد: رائعة الشاعر اسماعيل حسن   رائعة الشاعر اسماعيل حسن I_icon_minitime2009-07-09, 11:01 am

رائعة الشاعر اسماعيل حسن 360-wonderful

_________________
رائعة الشاعر اسماعيل حسن Moon_l10
الرجوع الى أعلى الصفحة اذهب الى الأسفل
badr
عضو نشيط
عضو نشيط
badr

عدد الرسائل : 171
الجنس : ذكر
العمر : 32
الموقع : البنبوناب
العمل/الترفيه : التجاره
وسام الشرف : رائعة الشاعر اسماعيل حسن Ooouso10

رائعة الشاعر اسماعيل حسن Empty
مُساهمةموضوع: رد: رائعة الشاعر اسماعيل حسن   رائعة الشاعر اسماعيل حسن I_icon_minitime2009-07-10, 9:25 pm

ريحـــــــــــة التــــــــــــــراب


والله ياريحة التراب

شديتنى للماضى البعيد

عبر الزمان

فى اللا مكان

عبر البكون

جوه اللى كان

مشوار غريب

حفيان

وطيت جمر ام لهب

الروح تهيم

فوق النجوم

والفانى

.. مطمور فى التراب

والله ياريحة التراب

كيفن يكون درب الوصول

لى ساحة ما شقاها زول

من دونى دونك

ألف باب

وكم حجاب

وكم ستور

مندلى يا ريحة التراب

أصلى مليت العذاب

جيتا خايد فى الضباب

شوق ليالى الغربة

فى اعماقى داب

الحنين

جوه جوفى

قصة ما شافت كتاب

الصغيرون..

بى شقاوة الدنيا يا ..يمه شاب

والله يا ريحة التراب

العطش يبس لهاتى

جيت أهاتى

جارى

لى موية الرهاب

والله ياريحة التراب

جيتا تعبان

داير ارقد داير انوم

انسى نفسى

والشقى القاسيتو

فى وادى الهموم

داير ألولى النسمة

بى فرحة صغير كره السموم

والله ياريحة التراب

ريحة التراب. والله يا ريحة التراب

لازم

أوصل مهما كان

أوعى..

!!.. ما توصينى كنا وكان زمان

الزمان

يا أصلى ماليه أمان

ونحن فى ساحاته

!!.. زى خيل الرهان

والله يا ريحة التراب

لازم أوصل مهما كان

حتى كان

سدت سواعد الليل

!!..دروب الكون وما خلت مكان

حتى كان جار القدر

!!.. شدانى فى قاع الزمان

مو ضلام الليل بشيلو

!!.. وبمشى لى فجر الأمان

يا سلاسل القدرة

ما برضى الهوان

بمشى فوق المستحيل

!!..بقدل وبتبختر كمان

لازم أوصل

لى مشاتل ريدى

فى أرض الحُنان

والله يا ريحة التراب
الرجوع الى أعلى الصفحة اذهب الى الأسفل
badr
عضو نشيط
عضو نشيط
badr

عدد الرسائل : 171
الجنس : ذكر
العمر : 32
الموقع : البنبوناب
العمل/الترفيه : التجاره
وسام الشرف : رائعة الشاعر اسماعيل حسن Ooouso10

رائعة الشاعر اسماعيل حسن Empty
مُساهمةموضوع: رد: رائعة الشاعر اسماعيل حسن   رائعة الشاعر اسماعيل حسن I_icon_minitime2009-07-10, 9:30 pm

اشتقت ليك
اشتقت ليك ساعة المساء فرد الجناح ولملم مصابيح النهار
والكون شرب لون الجراح والعتمة نامت فى الدروب والليل لبس اجمل وشاح
فى اللحظه اشتقت ليك واحتجت ليك
فى اللحظه والناس بتسئل عن بلاد اصلو مامعروفه وين
ياقلبى لى زول بيئن حاضن الاسىء عبر السنين
فى اللحظه ديك اشتقت ليك شوق السحابة الراحلة
فى جوف الشتاء عطشانه تحلم بالخريف بقيت ضعيف
فى اللحظة ديك مديت معابر شوقى ليك
وحنين حنينى الطاغى ليك
كايس مجيك
وداير يجيك
فى اللحظه ديك اشتقت ليك واحتجت ليك
الرجوع الى أعلى الصفحة اذهب الى الأسفل
 
رائعة الشاعر اسماعيل حسن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: مرسي القوافي الادبية :: منتدى همس القوافي وعذب الكلام-
انتقل الى: