منتديات مرسي القوافي
زوووووووولـه 376-ah10
زوووووووولـه Uoo_2_10

منتديات مرسي القوافي

سنظل شمسا تهب الضياء ولا تغيب
 
الرئيسيةالتسجيلدخول

شاطر
 

 زوووووووولـه

اذهب الى الأسفل 
كاتب الموضوعرسالة
ايوب البحر
المـُـــراقب العام
المـُـــراقب العام
ايوب البحر

عدد الرسائل : 362
الجنس : ذكر
الموقع : السعودية
العمل/الترفيه : موظف
وسام الشرف : زوووووووولـه Ousuo10

زوووووووولـه Empty
مُساهمةموضوع: زوووووووولـه   زوووووووولـه I_icon_minitime2009-06-06, 7:03 am


زولة_ أجمل قصائد الشاعر السوداني جمال حسن سعيد

--------------------------------------------------------------------------------

زولة بتفتح الروح ضلفتين_ تخشك وتمرقك (عادي)
تخشك وتمرقك_ ما بتقفل الباب من وراها بس تساسق بين شفقتك وحرقتك
ما بتأذنك ما روحا نفاج غربتك...
هذي البنية الساكنة أسرار فكرتك هي الشايلة حسك وسترتك...
زولة كما النورس تجي تنزل شواطي الالفة في الزمن الشفيف...
وأنا زي مكتف في الرصيف مربوط علي حبل السفن في الظلمة والليل المخيف...
بتجيني تدخلني وتقيف...
شلشلت تيبان السكات علي ارض رويانة وخريف...
زولة...بتعرف تدخلك وتقفلك وتغفلك تقعد علي ناصية هواك وتسجنك...
وانتا بتخلي الغمام كي تجعلك مطرة ودعاش..طائر تحلق في السما وارضك فراش
هذا الفراش بيطيرعلي نضرة رحيقا وخضرتا ومحبتا او ضحكتا وسخريتا ... وتقعد تهضرب ياولد من حمتا... ولو تسألك وتحلفك في زمتك او زمتا...
والي متى هذا الجنون والي متي..كل التفاصيل لمتا...
هذه البنية قد اتت وانتا زاتك كالورق..كيف تنجو انتا من زاك الغرق..
من زكرياتك تنجو وين وين مهربك..
من دفترك..من مظهرك..من حرقة الجوف والعرق..
هذي البنية تفتح الروح ضلفتين وعلي ضفتين..في نهر احزان الزمن تقعد تلوح باليدين...



الرجوع الى أعلى الصفحة اذهب الى الأسفل
ابوالقاسم
مشرف منتدي همس القوافي وعذب الكلام
مشرف منتدي همس القوافي وعذب الكلام
ابوالقاسم

عدد الرسائل : 178
الموقع : المملكة العربية السعودية
وسام الشرف : زوووووووولـه Graaam-1e24adce792

زوووووووولـه Empty
مُساهمةموضوع: رد: زوووووووولـه   زوووووووولـه I_icon_minitime2009-06-09, 5:06 am

سلامات يا زول يا رائع
علي الزولة الرائعة
يا حبذا لو نزلت لينا
زولة ازهري محمد علي
مشكور جدا جدا جدا

_________________
زوووووووولـه Moon_l10
الرجوع الى أعلى الصفحة اذهب الى الأسفل
ايوب البحر
المـُـــراقب العام
المـُـــراقب العام
ايوب البحر

عدد الرسائل : 362
الجنس : ذكر
الموقع : السعودية
العمل/الترفيه : موظف
وسام الشرف : زوووووووولـه Ousuo10

زوووووووولـه Empty
مُساهمةموضوع: رد: زوووووووولـه   زوووووووولـه I_icon_minitime2009-06-09, 5:29 am


طلبك يا أبو القاسم 00 نخله وابنوسه للشاعر ازهري محمد علي
يا زوله ..
الصوت الطالع منِّى
بِدِّي مسامعِكْ راسْ الخيط
والشوْفْ البِحسِبْ
حَبّ الرَّمل التِحْتِكْ
بِعْرِفْ رنَّة ضحكِكْ
رقم الهاتف
وشارع البيت
والخوف البِفْضَح صمتي
بِعرفِكْ إنتى
يعلم إنِّي
مانى المالي هُدومي
ومافي الجُبَّهِ
إلاَّ إنتي..
زوله..
وكاكاو الدم الفيكْ
مين السّماكِ سِفاح
مِنْ رِحِم أبنوسه ونخله
مين الورّاك إفراز الشهد
وأدَّاكِ مذَاقْ مِن ريق النحله
كضّابه الغابه القالَت
تَشتِلْ أنْناسَه على الصحرا
كضّابه القلتى حتفصلِّى توب العِيد للَهَلهْ
كضّاب القلتَ ملْحوقه خطاوى المَهَلَه
يا زوله..
مخنوقه الشهقه الفي رئتي اليمنى
محمومه خلايا الدم والزفره
مهمومه شِعاب القفص الصدري
مَمْحوقه حُلول الشفره
مفقود مُفْتاح الباب السرِّى
!تذكَّرْ
وين لاقيتَكْ صدفه؟
قالتلى - حبيبة القلب الأولى
والفرح المُعْلَن مدسوسْ
دسيتْ على رِحم الذاكره النُطفه
فى هذا الزمن السوس
إتْرَفَعَتْ بيناتنا الكُلفه
غنيتِكْ نَخله وأبنوسْ
ومَشيِتكْ متقرّب لعيونِكْ زُلفى
!تذكَّر وين لاقيتك صدفه
!أذْكُرْ كنَّا عناصر شتّى
إكتملتْ بينَاتْنا العِفَه
والصيف اللاذِع شتَّا
صَفَق النِيم إتساقَطْ حَتَّ
طَرْفَه لَمَحتِكْ
شِلْتَ النفَسَ
الأبى يتْخَتَّ
يضْحَكْ صَحْوك
نوّر كل مناحي الحِتَّه
وما اتسائلتَ عن اسمِك حَتّى
إتلمينا عليكِ وبَغْتَه
دسّيِنَاك من خَفَر الليل
فسّحناك المليون ميل
صَرّينا تُراب أقدَمِكْ فى مِنْديل
وشَلنَاكِ هُتاف
ومديحْ
وصهيلْ
وقدمناك قُربان للنيل
وكان من عِنْدكِ بَدَت لصحوه
جيِتك مِنِّكْ
شادِّى خَيال الشوق الصهوه
بَدينا نفلِّى الروح
مِنْ نَزَقَ الشهوه
وإترجّلتَ بفعل النخوه
جلسنا نخمِّس فنجان قهوه
إتشاركنا الزاد والمقْعَد
فَتَحنا ملف الزمن الأبْعَد
قام الفرح الطوّل مُقْعَدْ
لا قيناكْ دلوكه ودبكه
إتسالمنا سلام غُبار السِكّه

الرجوع الى أعلى الصفحة اذهب الى الأسفل
ابوالقاسم
مشرف منتدي همس القوافي وعذب الكلام
مشرف منتدي همس القوافي وعذب الكلام
ابوالقاسم

عدد الرسائل : 178
الموقع : المملكة العربية السعودية
وسام الشرف : زوووووووولـه Graaam-1e24adce792

زوووووووولـه Empty
مُساهمةموضوع: رد: زوووووووولـه   زوووووووولـه I_icon_minitime2009-06-09, 6:44 am


يا أيوب
زوووووووولـه Ohebokee

_________________
زوووووووولـه Moon_l10
الرجوع الى أعلى الصفحة اذهب الى الأسفل
wad dafalla
عضو نشيط
عضو نشيط
wad dafalla

عدد الرسائل : 135
الجنس : ذكر
العمر : 49
وسام الشرف : زوووووووولـه Graaam-1e24adce792

زوووووووولـه Empty
مُساهمةموضوع: رد: زوووووووولـه   زوووووووولـه I_icon_minitime2009-06-09, 5:28 pm

الشباب الرائعين ايوب/ ابو القاسم


من الصباح بقدر ما تازمت بقدر من انتشيت بالقصائد الرائعه

شكر لكم ولكن ايضا لجمال حسن سعيد ذلك الفنان الكامل والكمال لله

اظنك عرفتي التي تغني بها استاذ الاجيال الراحل المقيم مصطفي سيد احمد طيب الله ثراه

اظنك عرفتي
أظنك عـرفتي عواصفك مهبـي يسارق خيالك يسوقني ويــــــودي
ونهـرك يعـدي ويجهـل مصبـــي هواجسي البتزرع وظني البيربـي

بديتك خواطر بتصحى وتسـاور وطيفك يـزاور وروحـك تحــــــاور
تجيني في زمانـك موشـح أساور أقـول بس نسيتك وجرحـك يتـاور
أظنك عـرفتي عـذاب المغـني وطبلـوا المجـدع شظايـــا التمـني
حروفوا البتجزع في لحظة تـجني خطـاه البتـهــــرع متيــن تطمئـني

مسـرج خيـالك حصاني القبيــل معربــد غبــــاره وخـلى الصهيــــل
مسـافر مســـافر وفـــــاقد دليــــــل أظـنـــك عـرفتي همـــوم الرحيـــل
الرجوع الى أعلى الصفحة اذهب الى الأسفل
 
زوووووووولـه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: مرسي القوافي الادبية :: منتدى همس القوافي وعذب الكلام-
انتقل الى: