منتديات مرسي القوافي
شايقي الحرامي سرق ملاياتو 376-ah10
شايقي الحرامي سرق ملاياتو Uoo_2_10

منتديات مرسي القوافي

سنظل شمسا تهب الضياء ولا تغيب
 
الرئيسيةالتسجيلدخول

شاطر
 

 شايقي الحرامي سرق ملاياتو

اذهب الى الأسفل 
كاتب الموضوعرسالة
ايوب البحر
المـُـــراقب العام
المـُـــراقب العام
ايوب البحر

عدد الرسائل : 362
الجنس : ذكر
الموقع : السعودية
العمل/الترفيه : موظف
وسام الشرف : شايقي الحرامي سرق ملاياتو Ousuo10

شايقي الحرامي سرق ملاياتو Empty
مُساهمةموضوع: شايقي الحرامي سرق ملاياتو   شايقي الحرامي سرق ملاياتو I_icon_minitime2009-06-06, 6:22 am

شايقي جاه حرامي سرق ملاياتو الجديدة 00 خلى ريحتو طير 00 طير

زعل شديد وكتب ليهو00 القصيدة دي



تعيقني أنا

يعيقك الله يامجرم وكيف هسه تصدقني

تسرقك بطنك إنشاءالله وتخليك ديمه متالم

حضير إنشاءالله يبراكا وفلسا للجيوب يخدم

والعطش اليحرق الجوف

يخلي الفقرا قايمي وقاعدي ليك تعزم

تعيقني أنا

يعيقك الله يامجرم بي مدفع كلاشيكوف

يواليك في المسيمي عاد يخليك لا سمع لا شوف

ويجيكا عميل من السوفيت مرسلوا ليكا قرباشوف

شايل حقنه حارقه معاه

يحرق ليكا قلبك وكبدك حتى المعدة والشارشوف

تعيقني أنا

نان بالله لو سألوك 00 نان عميان من الاسواق

تسوق أروتي في ساقية تورا يقطّع الخناق

تسوق ليك داف تدكشو ترلا في عقبة يخليك لا ضهر لا ساق

نان بالله لو سألوك ماك عارف القروش بي وين

ناس بانيين عمارات كيف00 وناس راحات00 وناس تخزين

حكمتا تجيني أنا المسكين 00 البلّقط بي قرش قرشين

تقرشك عقربا تلقاكا فوق الريق 00 يكون جسمك مرطب تب

تقرشك سموم الصيف 00 تخلي وشيكا قايم حب

قرشا يبلعك يزرع00 يلف بي جده والصومال

يجيبك لينا تاني هنا 00 يرميك في الرصيف بي جاي

يسلب لحمك الفوقك 00 يخليك بس عضام وعصب

تعيقني أنا

تطرشق ليا برنامج اخطط ليا فيه سنين

يطرشق فيك كمبرسون يخليك انت بس ساردين

يطرشق فيك بتوجازا يكون جنبك صفيح بنزين

وترقد وما نشوف لنا زول يقول ماشي في تحسين

تعيقني أنا

كمان تسرق ملاياتي المن كيسا ما انفكت ولا عارف نقوشن كيف

يفكك مننا الله اليوم ده ضل باكر يخليك لافي صيف وخريف

يفك ضلعك 00 يفارق عقلك 00 تزك الماشي فوق عدلك

زي جملا عشاه الزيف

نفسك فاتحة00 ترقد فوق ملاياتي00

ترقد يابا فوق عنبر نصيح ويشابي 00 كايس سيدو

وترقد يابا فوق قبرا أعوذ ربي من هولو وعذاب سيدو

ترقد يابا في غرفه تكون مفروشه بالصرمه ونملو يخمو بالقفه

لا تشوف جنه بي عينك ولا في العتبة تتعتب

عشان عملك تملي كعب00 تسرق الجيب 00 تسوي العيب

إنت حرامي ود الكلب!!!

إنت حرامي ود الكلب!!!
الرجوع الى أعلى الصفحة اذهب الى الأسفل
bnbooo
عضو نشيط
عضو نشيط
bnbooo

عدد الرسائل : 180
الجنس : ذكر
العمر : 39
الموقع : uk
العمل/الترفيه : tGUK
وسام الشرف : شايقي الحرامي سرق ملاياتو Graaam-1e24adce792

شايقي الحرامي سرق ملاياتو Empty
مُساهمةموضوع: رد: شايقي الحرامي سرق ملاياتو   شايقي الحرامي سرق ملاياتو I_icon_minitime2009-06-06, 8:03 am

تسلم اخى ايوب
يديك العافيه بالرغم من انها مسجله عندى فى الموبايل
قريتها والضحك شرطنى جامـــــــــــــــــــــــــــــده
جد وماعدمناك
تقبل مرورى
الرجوع الى أعلى الصفحة اذهب الى الأسفل
 
شايقي الحرامي سرق ملاياتو
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: المرسي الاجتماعية :: منتدي التسلية والفكاهة-
انتقل الى: