منتديات مرسي القوافي
رساله للمغتربين 376-ah10
رساله للمغتربين Uoo_2_10

منتديات مرسي القوافي

سنظل شمسا تهب الضياء ولا تغيب
 
الرئيسيةالتسجيلدخول

شاطر
 

 رساله للمغتربين

اذهب الى الأسفل 
كاتب الموضوعرسالة
معز عوض
عضو جديد
عضو جديد
معز عوض

عدد الرسائل : 13
الجنس : ذكر
العمر : 35

رساله للمغتربين Empty
مُساهمةموضوع: رساله للمغتربين   رساله للمغتربين I_icon_minitime2009-05-21, 7:19 pm


قبـل السفر




قبال تمرْقو من الوطن

وتموت جواكم سُمرَتو

قبال تأشرو للخروج

وتذيدو جرحو وحُرقََتو

قبال تبيعوه للمحن

وتخلُّو في عز كُربَتو

قبال تسلِّمو للصراع

والفرقه

والخوف

والسطو

قبال يبيعوه للغريب

وتضيع نضارتو وهيبتو

قبال يقسْمو حِتتْ حِتتْ

ويفقد تواريخ عِزتو

قبال تفوت شمسو وتغيب

ويفرض علي الناس عتْمتُو

قبال تسافرو من الوطن

وقبال يسافر حتُّو هو ،،

ما تنسو إنو كسير جناح

ومحتاج شديد لي فتيتو

هو أكان عليو

لا يفوتو زول

لا تفضي في يوم حِتتُّو

تفضل ولادو معاو دوام

وترجع سريع

كل الطيور الفاتتو

كل خانه حتسدوها في يره البلد ،

محتاجه شان يملابا بيكم فجَّتو

وطناً رعاكم كُت صغار

ما قصَّر أداكن حنان

وكل البفيض عن حوجتو

داير وكت تصمُت ايديو

ويخونو جواهو النضِم ،

تبقولو فخرو وحجَّتو

وهسع بعد ما كبرتو فيو

وسويتو من أنفاسو ريش ،

دايرين تطيرو خلاص بعيد

دايرين تخلوه للغريب

لآمن يموت بي حسرتو !

الغربه ما بتبنيلا بيت

بالعكسِ هي البتشتّتو

والغربه ما بتصنع رجُل

بالعكسِ هي البتكلفتو

بتهينو ما بتحترمو قط

بِدُّقو ... هي البِتكفِّتو

ياها البِتكتل فيو وفاو

ياها البتسلب إلفتو

الغربه بتقص الضهر

بتقسِّى قلب المغترب

بتنسِِّى حنيةْ الأهل

بطردو من جوف ملَّتو

وكمين نفرتابع سرابا

ولا وصل

لا تاني عاد لي سكَّتو

زيف العمارات الهناك

أحسن عليو طين حلَّتو

وأحسن كتير

الزول يموت

جوه الوطن بي ذلَّتو ،

من لو يعيش

إنسان عزيز في غربَتُو ...
15\2\2007م
الرجوع الى أعلى الصفحة اذهب الى الأسفل
 
رساله للمغتربين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: مرسي القوافي الادبية :: منتدى همس القوافي وعذب الكلام-
انتقل الى: