ايوب البحر المـُـــراقب العام
عدد الرسائل : 362 الجنس : الموقع : السعودية العمل/الترفيه : موظف وسام الشرف :
| موضوع: سييييييد اللبــــن 2009-05-20, 8:14 am | |
|
تاريك تجيهم كل صباح والشافعه تلمس أصبعك
إنشاء الله ياسيد اللبن ماتنفعك
والله ياسيد اللبن حاسدك عديل ودايرك تسيب البيع وأكون أنا ليك بديل وعلى العليك سيد اللبن دمك تقيل
تاخد تمام من القروش
إنشاء الله قرشاً يولعك
إنشاء الله ياسيد اللبن ماتنفعك
الزي دا ياسيد اللبن الناس بتتعشم لقاه إنت الحظوظ ضربت معاك كل يوم تقيف وتنضم معاه
لكن نضمها كتير عليك قاصد الرزق والمنفعه ناسي الجمال والامتثال ومابتبكي لمن ودعك
إنشاء الله ياسيد اللبن ماتنفعك
والله ياسيد اللبن
حتى الحمار شاف الجمال وقف إحترام
شافك بدون احساس تقيف لوكان نضم كان قال حرام واحتج عال دفق اللبن وجدع اللمد ومضغ اللجام وطفش عديل ولاحتى فكر يودعك
إنشاء الله ياسيد اللبن ماتنفعك
سيد اللبن عليك جرادلك وبقرتهم خليني يوم لبان أكون خليني أعيش في الزول وأتوه في سحرو وأغرق في العيون الزول جميل وسمح شديد وشايل محاسن الكون فنون سيد اللبن خليني بس يوم أبيع وأديك مضاعف مكسبك
إنشاء الله ياسيد اللبن ماتنفعك
منــــقــول
| |
|