خواطـــر الشـــــوق

موضوع: خواطـــر الشـــــوق 2009-05-19, 6:49 am

لما رنت همسة الأفراح
وهلّت روعة الدهشة العنيدة
والنجوم سكنت ديارك
والحنين فجّر قصيدة
ساق خواطر الشوق سحابك
للمحطات البعيدة
وزغردت كل المواني
والمطارات طلّ عيده
يوم رنين هاتف عيونك
شال من الآهات جدايل
وارتسم وعد الأماني
وابتسم لي حزن زايل
ولما صوتك جاني سابح
زى فرح عرس القبايل
هزّ أوتار صبري حسنك
وأرتبك نبض الأصايل
وفجاءة لاح زى طيف خيالك
وكان سؤالك كيف أجيك
وكيف اطوف بالشوق مدارك
وكيف مشاعري بتصطفيك
وكيف حنين اللهفة يصبح
في عيوني معاك شريك
وكيف محطات عمري ترحل
تهجر الدنيا وتجيك
أنا لو دروبي أتقفلت
بفتح مسامي وبحتويك
واركب برق عبادي وارحل
في مسافات تشتهيك
في لحظه بس ألغي النجوم
واقعد قصادك وأرتجيك
والغي النهار والشمس بعدك
وابقي أول نجمه 00 فيك

موضوع: رد: خواطـــر الشـــــوق 2009-05-19, 7:44 pm

تسلم يا مبدع
وفي انتظار الحاجات في بيت الكلاوي هههههههه
وتقبل مروري

موضوع: رد: خواطـــر الشـــــوق 2009-05-21, 4:55 pm

وزغردت كل المواني
والمطارات طلّ عيده
يوم رنين هاتف عيونك
شال من الآهات جدايل
وارتسم وعد الأماني
وابتسم لي حزن زايل
ولما صوتك جاني سابح
زى فرح عرس القبايل
هزّ أوتار صبري حسنك
وأرتبك نبض الأصايل

كلمات اكثر من رائعه تسلم الانامل التي خطت

هذه الحروف
انت رائع روعة كلماتك وان شاء الله بتوفيق