منتديات مرسي القوافي
بت الشيخ حمد 376-ah10
بت الشيخ حمد Uoo_2_10

منتديات مرسي القوافي

سنظل شمسا تهب الضياء ولا تغيب
 
الرئيسيةالتسجيلدخول

شاطر
 

 بت الشيخ حمد

اذهب الى الأسفل 
كاتب الموضوعرسالة
احمد
عضو نشيط
عضو نشيط
احمد

عدد الرسائل : 126
الجنس : ذكر
العمر : 40
الموقع : السعودية
العمل/الترفيه : محاسب
وسام الشرف : بت الشيخ حمد 310

بت الشيخ حمد Empty
مُساهمةموضوع: بت الشيخ حمد   بت الشيخ حمد I_icon_minitime2009-05-12, 9:42 am

امونه بت الشيخ حمد

ابوها كان مزواج خلاص
ناسب جميع ناس البلد
ميلادها كان عرسا كبير
هيصة وضبايح مالها حد
يوم السماية اتيتمت
حكم القدر فى الام نفد
كانت شبيهة امها
فى القدلة والعوداللبد
وبقت امل كل الشباب
وجمالها فى بت ما اتوجد
فى مرة رفة قليبا يوم
حبت قريب الشيح حمد
واظن كمان حباها هو
سوى الضلوع لى حبو سد
كاتمين غرامن فى القلوب
ولع لهيبم ما برد
خايفين يصارحو يقولو
شومال بالدايرنو ست
خايفين عيون الناس
تشوفم والخبر يملأ البلد
والحب هناك عيبا كبير
لا بت تبوحبو ولا ولد
فى يوم ابوها ضحك كتير
برم شواربو بلا الاسد
ناداها امنة تعالى جاى
فوق البرش ربع قعد
قالتو هوى جاياك خلاص
قليبة فر وما رقد
حاج الخضر عارفاهو داك
قالتلو ايوة ابو سند ؟؟
جانى الصباح طالب ايديك
داير نسب شيخ البلد
وانا قتلو اهلا بيك تعال
يومين تلاتة تكون عقد
راجلا عظيم عندو القروش
عندوا الحرير راقد لبد
هو كمان كريم واخو رجال
ماعونو فى يوم ما برد
جرن الدموع من عينا شو
سكتت وابت تديلو رد
قام مرق خلاها فات لا سبة
لا كايس غرض
عند المغيرب تانى جاها
كدى لى محاسن الحاج سرد
داير يأثر فى قليبة
لو كان تقول تديهو رد
وقتا غلب واحتار خلاص ولع
فؤادو جمر وقد
فسر سكوت البت رضا
جهزولو لما الناس عقد
والمال مخمخم والحرير
تحت الرجول مدوهو مد
يوم الصفاح والناس تجوط
بالفرحــــة مقلوبة البلد
امونة تبكى بكا السواد
بدل الفرح جاها النكد
وبشيشى قامت للمروق
فى سرقة ما حس بيها حد
كان الحبيب راقد هناك
والصدمة قادة قليبو قد
وقفت قصادو بكت كتير
لامن دميع العين جمد
قام جاها بى شوقو الكتير
وقليبو داك انهد هد
قالتلو ما بى ايدى شى
ديل ناس ابوى وابو سند
اتلملمو وسووا الكلام
وانا لا رضيت لا جبتا رد
داك عندو مالا مو قليل
وابوى شاف المال سجد
ادانى للراجل العجوز
المن عروقو الدم شرد
قايلنى بسعد بالقروش
ولا المراح الفات ورد
لكن محـال اسعد بلاك
كان السماء ينهد هد
بديك قليبى وروحى ديل
وأعيش هناك صورة وجسد
اتراجعت رجعت تصد
لكن قليبة رجع رفض
مسكت دريبا مو قريب
كم بيهو صف بنوت ورد
قاصدة البحر دايره تموت
لا عيشة لاهم لا نكد
اترددت وقفت كتير
لامن قليبه خلاص صمد
شافت مسار النيل حزين
حتى النخيل حزنان خمد
وبشيشى فكفكت الحرير
لا زينة لا ربيط عقد
ما دام حياتا بقت دموع
وقليبة من زولا انفرد
قالت اخير ارتاح خلاص
ارسى وشقاى القالو حد
فى لحظة موج النيل علا
وفى جوفو غابت للابد
الرجوع الى أعلى الصفحة اذهب الى الأسفل
wad dafalla
عضو نشيط
عضو نشيط
wad dafalla

عدد الرسائل : 135
الجنس : ذكر
العمر : 49
وسام الشرف : بت الشيخ حمد Graaam-1e24adce792

بت الشيخ حمد Empty
مُساهمةموضوع: رد: بت الشيخ حمد   بت الشيخ حمد I_icon_minitime2009-05-12, 10:49 pm

اخي احمد قصيده جميله






بت الشيخ حمد 0163
الرجوع الى أعلى الصفحة اذهب الى الأسفل
 
بت الشيخ حمد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: مرسي القوافي الادبية :: منتدى همس القوافي وعذب الكلام-
انتقل الى: