منتديات مرسي القوافي
ان شاء الله القيامه تقوم 376-ah10
ان شاء الله القيامه تقوم Uoo_2_10
منتديات مرسي القوافي
ان شاء الله القيامه تقوم 376-ah10
ان شاء الله القيامه تقوم Uoo_2_10
منتديات مرسي القوافي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات مرسي القوافي

سنظل شمسا تهب الضياء ولا تغيب
 
الرئيسيةأحدث الصورالتسجيلدخول

 

 ان شاء الله القيامه تقوم

اذهب الى الأسفل 
5 مشترك
كاتب الموضوعرسالة
احمد
عضو نشيط
عضو نشيط
احمد


عدد الرسائل : 126
الجنس : ذكر
العمر : 44
الموقع : السعودية
العمل/الترفيه : محاسب
وسام الشرف : ان شاء الله القيامه تقوم 310

ان شاء الله القيامه تقوم Empty
مُساهمةموضوع: ان شاء الله القيامه تقوم   ان شاء الله القيامه تقوم I_icon_minitime2009-04-30, 8:15 pm

الشاعر حسن الزبير رحمه الله
قال قصيده جميله علي لسان صديقه
المشوكش الزهجان

ان شاءالله القيامة تقوم
عشان ريدك معاي ما بدوم
ناس سهرانة طوالي
وناس طول الليالي تنوم
أشوف انا كيف حسابك يطول
على الوعدالدوام ممطول
وانا الشايف كتير أحباب
بعيشو الريدة عرض وطول
أنا الشايل دوام همك
وأريدك ريدة زي أمك
وأغير من غيرتي زاتا عليك
أخاف أنا يا الخفيف دمك
ان شاءالله القيامة تقوم
وكل زول يمشي في حالو
عشان ما قلبي يرجع يقول
حبيب الدنيا في بالو
كان ممكن الحكاية تنتهي عند هذا الحد
لكن أخونا الدكتور أحمد فرح شادول قال لي
أبداً الحكاية دي ما حصلت لزميلك
دي حاصلة ليك انت
وقام عمل قصيدة هاجمني بيها
هجوم الشاعر شادول لحسن الزبير
ان شاء الله الحسادة تطير
وتمتد السعادة تدوم
والضاق العذاب في الريد
بكرة يعيش ويشبع نوم
وتقول القيامة تقوم؟؟
عشان حظك شقي ومشئوم
وفتحن ليك بنات حواء
وجافاك ليلة واحدة النوم
بتقول القيامة تقوم؟؟
أنحنا لا عرفنا الريد
ولا زيّك عشقنا الغيد
وحبينا القريب وبعيد
وراجعنا القديم وجديد
ولا ضمانا حضن الليل
مع الوجه البهي وغريد
ولا لليل شكينا حبيب
اذا حتى العشقنا عنيد
ولا نظمنا في الحلوات غنا وموال
درر وقصيد
ولالينا بن عوف غنا
لا الصابر ولا الباكي
خيالِك عندي يوماتي
صباح خيري ومساء أفراحي
أعد ميعادو باللحظات
وسهري معاه صباحي
عيونِك فوق عيوني تنوم
وفوق آلامي ترتاحي
وريدِك من عواتي الريح
المو وأضم عليو جناحي
وتقول القيامة تقوم؟؟
أنحنا مع السعادة نسير
مواكب فرحة هادرة هدير
نحيا نحب نعيش ونغير
ونعلن ثورة التغيير
ناكل حب
ونشرب حب
ونلبس حب
ونفرح بالمحبة نطير
نعيش الريدةعرض وطول
كبيرنا ملك صغيرنا أمير
وتسمع صوت هتافنا يجيك
ان شاء الله الحسادة تطير
وتكبر وتنسى يا زغبير



رد حسن الزبير
ان شاءالله القيامة تقوم
وعشمي في الله ما شويّة
أدخل جنة المأوى
وهناك يدوني حورية
أتكي في الارائك أنووووووم
بكل حبور وحرية
وأرتاح من ده مافي وقوم
وأمش جيبلي وجيب ليّا
أفارق دنية المعدوم
والقى مطالبي بالنية
ولوحنيت للحم الطير
تجيني الطيرة مشويّة
عشانك كيّة يا دكتور
تكون حوريتي خمرية
تجرجر ديسا ده المردوم
ولهجتا خالصة عربية
أخلي ليك بنات حواء
تحاحي صباح وعصرية
وتبقى عواطلي يا دكتور
هناك لا مرض ولا شكيّة
هناك لا أذن سمعت
ولابعيونا مرئية
هناك حتى الرحيق مختوم
وولدان طائفة دوريّة
لا عشوائي في الخرطوم
ولا صفقات تجارية
صفي النية يا مهجوم
بلاش هجمات هبوبية
وان شاء الله القيامة تقوم
وتنجح مية في المية

رد شادول
ما مقبولة اعذارك
وما معروف مصيرك وين
وماهي صالح اعمالك
عشان يدوك حوراً عين
لو انت على الصراط ماشي
وشركوا ليك ببنية
حا تختل كل حساباتك
وحا تحتل حتلة ابدية
أما لو ضرب حظك
وجابوا ليك بنات الحور
تموت واقف على طولك
ويشيلك حيلك المشلول
وتتلفت يمين وشمال
مشدوه بالجمال مبهور
وتحتار باقي عقلك طار
فيمن يهوي او يختار
ديك قواما سمهر وطول
وديك دعج العيون مكحول
وديك جمالا يسبي عقول
وديك من فيها حلو القول
ودييييييييييييييييك خليها لي شادول
وديك شعراً كمان خلي
قدر ما يزيد نعومة وطول
عذابنا وليلنا فيه يطول
وديك خشيما بنقط كلام معسول
تقيف مشدوه وتفوت القيامة عليك
واقف انت تتلفت طرب وذهول
حسن دنياك للزي ديل
وديل يا صاحبي هم دنياك
يودّنك ويجيبّنك
ويختنّك ويشيلنك
يجلبّنك ويبيعّنك
يغسلّنك ويشرّنك
ويدفنّنك ويكتلنك
يقيدو النار يشدّنك
ويبرن عودك المسلوب يحرقنّك
تفوح انت ويزيد دنّك
وتغني الدنيا بي فنك
ده
حال الدنيا
ما بتدوم
مرة تلام ومرة تلوم
ويوم تتعب
مرة تحب وتشبع حب
ومرة تحب وما تنحب
حسن خليهم السمعوك وارجع لحلوكلامك
معقولة القيامة تقوم
قبل ماتلقى احلامك


انتو رايكم شنو..؟
تقوم ولا ما تقوم
ويبقي الامل احمد
الرجوع الى أعلى الصفحة اذهب الى الأسفل
ريهام
عضو متطور
عضو  متطور
ريهام


عدد الرسائل : 202
الجنس : انثى
العمر : 40
الموقع : السودان
العمل/الترفيه : طالبة

ان شاء الله القيامه تقوم Empty
مُساهمةموضوع: رد: ان شاء الله القيامه تقوم   ان شاء الله القيامه تقوم I_icon_minitime2009-05-01, 6:52 am


المبدع احمد مشكور علي النقل الرائع
ورحم الله شاعرنا الكبير حسن الزبير
صاحب الشاكو......... الكبير
كلمات رائعة
وبكاء جميل
ومجارة شيقة
وحوار شجاع
ابقي هنا دائما لنستمتع بمواضيعك
لك التحية
الرجوع الى أعلى الصفحة اذهب الى الأسفل
https://marsa-algoafi.mam9.com
ALMALA
.::: المدير العام :::.
.::: المدير العام :::.
ALMALA


عدد الرسائل : 622
الجنس : ذكر
العمر : 15
الموقع : في قلب المرسي

ان شاء الله القيامه تقوم Empty
مُساهمةموضوع: رد: ان شاء الله القيامه تقوم   ان شاء الله القيامه تقوم I_icon_minitime2009-05-01, 7:52 am

ان شاء الله القيامه تقوم Wahanet-c12d4f2cfc
الرجوع الى أعلى الصفحة اذهب الى الأسفل
https://marsa-algoafi.mam9.com
ايوب البحر
المـُـــراقب العام
المـُـــراقب العام
ايوب البحر


عدد الرسائل : 362
الجنس : ذكر
الموقع : السعودية
العمل/الترفيه : موظف
وسام الشرف : ان شاء الله القيامه تقوم Ousuo10

ان شاء الله القيامه تقوم Empty
مُساهمةموضوع: رد: ان شاء الله القيامه تقوم   ان شاء الله القيامه تقوم I_icon_minitime2009-05-01, 8:29 am

مالك مقومها يا أبوحميد لسع ما شفنا حاجه في الدنيا

مشكور علي المشاركة الرائعة 000 ما تنقطع
الرجوع الى أعلى الصفحة اذهب الى الأسفل
احمد
عضو نشيط
عضو نشيط
احمد


عدد الرسائل : 126
الجنس : ذكر
العمر : 44
الموقع : السعودية
العمل/الترفيه : محاسب
وسام الشرف : ان شاء الله القيامه تقوم 310

ان شاء الله القيامه تقوم Empty
مُساهمةموضوع: رد: ان شاء الله القيامه تقوم   ان شاء الله القيامه تقوم I_icon_minitime2009-05-01, 12:57 pm

ريهام ALMALA ايوب

انا غايتو ما عايز القيامه تقوم الين ما اشوفكم
واشكركم علي الاطراء الرئع والمجامله
علي كل حال لكم التحيه كل الفخر والاعزاز والمجد
مني ليكم

مالك خايف من قوتا يايوب عايز تشوف شنو؟
قول الله يحسن خواتيمنا سااااااااااااااااااااااي
ويبقي الامل احمد
الرجوع الى أعلى الصفحة اذهب الى الأسفل
ابوالقاسم
مشرف منتدي همس القوافي وعذب الكلام
مشرف منتدي همس القوافي وعذب الكلام
ابوالقاسم


عدد الرسائل : 178
الموقع : المملكة العربية السعودية
وسام الشرف : ان شاء الله القيامه تقوم Graaam-1e24adce792

ان شاء الله القيامه تقوم Empty
مُساهمةموضوع: رد: ان شاء الله القيامه تقوم   ان شاء الله القيامه تقوم I_icon_minitime2009-05-04, 6:30 am

ان شاء الله القيامه تقوم Vip9908bdc5197e4
الرجوع الى أعلى الصفحة اذهب الى الأسفل
 
ان شاء الله القيامه تقوم
الرجوع الى أعلى الصفحة 
صفحة 1 من اصل 1
 مواضيع مماثلة
-
» تعالو نذكر الله و لنا الاجر والثواب أنشاء الله تعالى
» اهلا وسهلا KIARYbnbooo
» من عجاااائب الخالق سبحان الله
» الله عالم كم بعزك ياحبيبي وأخاف عليك
» افخم البراكين ( سبحان الله )

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: مرسي القوافي الادبية :: منتدى همس القوافي وعذب الكلام-
انتقل الى: