منتديات مرسي القوافي
قصيده للشاعر محمد الحسن سالم حميد 376-ah10
قصيده للشاعر محمد الحسن سالم حميد Uoo_2_10

منتديات مرسي القوافي

سنظل شمسا تهب الضياء ولا تغيب
 
الرئيسيةالتسجيلدخول

شاطر
 

 قصيده للشاعر محمد الحسن سالم حميد

اذهب الى الأسفل 
كاتب الموضوعرسالة
wad dafalla
عضو نشيط
عضو نشيط
wad dafalla

عدد الرسائل : 135
الجنس : ذكر
العمر : 49
وسام الشرف : قصيده للشاعر محمد الحسن سالم حميد Graaam-1e24adce792

قصيده للشاعر محمد الحسن سالم حميد Empty
مُساهمةموضوع: قصيده للشاعر محمد الحسن سالم حميد   قصيده للشاعر محمد الحسن سالم حميد I_icon_minitime2009-02-04, 6:16 pm

قصيده للشاعر محمد الحسن سالم حميد

بيني وبين النهر ضحايا
وكمين قتلة ونصّابين
وقدر الغيم اللمّا سمايا ....
شالوا الريح وبي حُمرة عين
حبل البئر ودلوها منتّف ...
وحارساتنها دابيين
ريقي دقيق .. والخطوِ مكتّف
ما بين كهنة وربّاطين
وانا ناذرلِكْ ، كان أسقيكِ
وترجعي طيبة عروس الطين
ويرجع عصب العشم الفيكِ ...
وزي ما كان من قبل سنين
ويا ترقوة الحلم الزّامِكْ ..
ما أقواك على السكّين !!!
لما غِشَاكِ الصيف الحارق ...
حتحتيهو الصفق الأصفرْ
والنوّار اليا دوب مارِق ...
علمتيهو تمُام ينضرضرْ !!!
فرعك عِز الزّمن الزانق ...
عاهد ليفك وابى مِنْ يكبْر
شان ما يبقى حُراب ومشانق ..
واللاّ مطارق في ايد العسكرْ !!!!
وشان الساق الناجرو الخالق ..
ساترو لحاهو ... يفضِّل أخضرْ
روّضتيها جذورك ترحل تالا الموية التحت الأرضْ
وفوق الزمن الريحي الأمحل ..
كيف تنماسك وتسند بعضْ
ما كان عَرضِك الا الطُّول ..
لا كان طولِك غير العرضْ
وين بالساهلة يفرِّط زولِك
واللاّ يفوت المال والعِرْضْ ؟؟؟؟
قال طيراً نفد بي حِنّو ...
لى جملة عَقابو يغنوا :
يا أكباد الرفاق لا تئنو !!
طرِّقوا لى المناقير سِنّو !!
شن طعم العرق والدم
واحنا عوجنا ما عدلنو ؟؟
هِبّن يا طيور من جم ....
رخمتين فوق صقر كتلنو
حُلماً زانو ليك كابوس ...
وراجنبو الليالي يصِنّو
والوعد المشتت روس .....
وكاويق شِنْ بترْجِن منو ؟؟
وما بتنغشّن ... حاشا وحاشا
وما بتنكسرن .. أي والله !!
وما بتندلّن لي حباية
ودود معقود في شبك الباشا
وكم هبّرتِنْ شركو وطِرتَنْ
لي قندولكِن في الحواشة
وقلتِن شارق
فجراً حارق
وكل الوخم الزيف يتلاشى
وتنفض طيبة غبارا العالق
وتقبض نسمة خير ودعاشة
وبيني وبين النهر ضحايا
وكمين قتلة ونصابين
وقدر الغيم اللمّا سمايا ..
شالو الريح وبي حمرة عين
الرجوع الى أعلى الصفحة اذهب الى الأسفل
ابوالقاسم
مشرف منتدي همس القوافي وعذب الكلام
مشرف منتدي همس القوافي وعذب الكلام
ابوالقاسم

عدد الرسائل : 178
الموقع : المملكة العربية السعودية
وسام الشرف : قصيده للشاعر محمد الحسن سالم حميد Graaam-1e24adce792

قصيده للشاعر محمد الحسن سالم حميد Empty
مُساهمةموضوع: رد: قصيده للشاعر محمد الحسن سالم حميد   قصيده للشاعر محمد الحسن سالم حميد I_icon_minitime2009-02-09, 5:16 am


قصيدة جميلة جداً الاخ ود دفع الله للشاعر حميد
ونطلب منك المزيد من قصائده الرائعة
واتمني لك التوفيق
تقبل مروري
الرجوع الى أعلى الصفحة اذهب الى الأسفل
 
قصيده للشاعر محمد الحسن سالم حميد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: مرسي القوافي الادبية :: منتدى همس القوافي وعذب الكلام-
انتقل الى: