منتديات مرسي القوافي
مداخـــــــل  للخـــــــروج 376-ah10
مداخـــــــل  للخـــــــروج Uoo_2_10

منتديات مرسي القوافي

سنظل شمسا تهب الضياء ولا تغيب
 
الرئيسيةالتسجيلدخول

شاطر
 

 مداخـــــــل للخـــــــروج

اذهب الى الأسفل 
كاتب الموضوعرسالة
ابوالقاسم
مشرف منتدي همس القوافي وعذب الكلام
مشرف منتدي همس القوافي وعذب الكلام
ابوالقاسم

عدد الرسائل : 178
الموقع : المملكة العربية السعودية
وسام الشرف : مداخـــــــل  للخـــــــروج Graaam-1e24adce792

مداخـــــــل  للخـــــــروج Empty
مُساهمةموضوع: مداخـــــــل للخـــــــروج   مداخـــــــل  للخـــــــروج I_icon_minitime2008-12-23, 7:06 am


مدخل أول :
لمتين متيمم شطر النيل
متوقي اليابسة ..ووارد
متوكّي الغنية عصا موسي
بتْهش في غيم الإلفة الشارد
مهدودة القُدرة وفترانة ..
حردان الضُل البارد ...
بتْوجّل لي يوسف في البير
يطلع من بطن البير المارد !
مدخل ثاني :
فات الكان بدّينا إحساس بالإلفة
..... وكان راوينا ....
فات الباكي جرحنا وناسي جروحو
ولافيّ ورانا مدينة ... مدينة
فات الصاحي..
ونحن نغط في النومة السابعة
طالق حســّو .. ولا حسّينا
حتْحتْ فينا غناهو الطاعم ..
وفات قنعان من خير فينا
سلامات يا زول يا رائع
سلامات ... عوّافي..
سلامات يا خلاصة الخير الفي الناس
وترياق الزمن المتعافي
سلامات يا زول يا رائع
سلامات عوّافي ..
....................
محاصر فيك
بسأل عن سكة تطلّع منك
أو سكة تودي ليك..
بسأل عن مخرج منك .. وليك
زي نهر بينبع .. وما لاقي مصب
بتمدد عشقك في أقصي ضواحي الروحي
لي أقصي نواحي القلب .....
يتكثّف بسعة إطلاق الرّب ...
وأنا كنت بفلّي القلب بسيرتك
سميتك حلاب الغيم ...
من ضرع الجدب ....
.......................
وظنيتك مارست الفعل السري
وحفظت فحولة النيل ..أيام الخصب
ولمحتك وانت بتتمشي وترقص في حمامك
علي حُمــة إيقاع الحـرب..
وتكلكل جلد الكلمة ... الحافة
لحبيبة بتفتح مجري الغنا في الدم
وتفلس باب القلب ...
فيا بنوت الشارع الطاعم ..قومنْ..كبْ
قومن لي الما قصّر في غناكن .. ضُمة
ولا إتلوم في وراكن .. تب
ولو تبقي السكة الجايّة .. ضهب
وسلامات يا زول يارائع ...
........................
البارح عصفورتك .. ركت في البال
رقصت وادت عصفور الريد شبال
وطارت من قولة ... كر
ما الزول النهر العصفورة ..
بحرّض في كلاب الحر ..
لابسني وداخل في اللحم الحي
راصد كل البسال عن حالي
حرّش ضُلي عليّ ...
ونتّف زغب الخاطرة التخطر علي بالي
ومنع العصفورة تحوم ...
إستجوب كل الناس التجي في النوم
ماتقوم يا زول يا رائع .. ومهموم
يا مضيّع ضي عينيّ وراك ....
واقف حاحاي لي النوم ...
يا مستّف رئة الدنيا شهيق ...
ومشحتف روح الخرطوم
كيف حال يا أبوي
كيف حال يا خال
... وتعال اتفضل
علي باحة بيتنا الطيب
ماعون الاطقال ..
ضمد جراحاتك تعال ..
من ضلاماتك تعال ..
أدينا هينين من صبُرْ
السكة ابعد من مشيك
والجرح أعمق من حدود الاحتمال
السابلة والأطفال هناك ...
قدّامك المشوار طويل ...
والريح .. وراك ...
كل البيوت إتشرفت لي طلعتك
والونسة ما كملت معاك ..
القرقراب .. والقهقهة ...
مين سمّي ترحالك غياب !؟
والغيبة بتزيدك .. بها ..
لو يرتق الحزن المصاب ..
كان بعدك الموت انتهي
يا أقصي حالات الحضور المشتهي
...يا منتهي ...
تعال فرحنا بي دهشة غناك الحي
وحـّيْ من جرحك الدامي ...
وفتر حيلك ...
وحـّى من ضلك الرامي ...
وحملْ شيلك ...
تموت مثل الشدر واقف..
فيا حليلكْ ...
يا حليلك بنستنّـاك ..
علي صهوة جبد الريح
بنستنّـاك ...
في الزمن اللديح .. القيح
بنستنّـاك ...
علي باب الحلم في غناك
بنستنّـاك ...
رحيلك شلهت االدنيا
ورتب العالم البي هناك
بنستنّـاك ...
وأنا تاني وراك شن لاحق ؟
دهستني في بعـدك حدو الخوف
الدّاخلة عليْ بالسّاحق ...
أديني القدرة التمنحني ...
بحجمـبك سعة الشوف..
لو اقدر اطل من شاهق...
لو اقدر الوّح لي عيونك تلمحني
وأنا ضعفي أمامك فاضحني..
سامحني ...
ما اقدر أطولك .. سامحني ..
.............................
شفتك من وجع طالع
من برزخ ملتقي النيلين
كنت هناك .. وحيدك
وكل الناس .. اتنين .. اتنين ..
براك واقف في حد السيف
براك الما وقف .. بين .. بين
تغازل حلمك الفارع ...
فتح بابين علي الملكوت ..
تسلّمْ علي حضرة جلال الموت
وتفتح في الأرض نفّــاج ..
إذا إمتلأ الفراغ بالصوت ..
فيا باطن الأديم افتح ..
براحات الحنين مشرع ..
وأندهْ لي مدن شاخت ..
أندهْ لأطلال القري الرّاحت
بيوت في بيوت ...
تمرق من شبر مسرح
مدن فاضلة ...
وعالم بي إتساع الحلم
بقامة يشتهي التابوت
فما لفظ البحر يونس
ولا إنسدت شهية الحت !
ويا زول ... يا رائع ...
تمشي بي الحسرة وتموت ؟
سلامـــات ...
يا زول ... يـــا رائع ...


الرجوع الى أعلى الصفحة اذهب الى الأسفل
ALMALA
.::: المدير العام :::.
.::: المدير العام :::.
ALMALA

عدد الرسائل : 622
الجنس : ذكر
العمر : 10
الموقع : في قلب المرسي

مداخـــــــل  للخـــــــروج Empty
مُساهمةموضوع: رد: مداخـــــــل للخـــــــروج   مداخـــــــل  للخـــــــروج I_icon_minitime2008-12-24, 8:28 am

ورائع انت ابو القاسم كروعت مصطفي سيد احمد له الرحمة
شكرا لك لتعطير المنتدي بهذه الروائع
تقبل مروري

_________________
مداخـــــــل  للخـــــــروج Img_468_60
مداخـــــــل  للخـــــــروج Graaam-1af2017541d
الرجوع الى أعلى الصفحة اذهب الى الأسفل
http://marsa-algoafi.mam9.com
ايمن
عضو نشيط
عضو نشيط
ايمن

عدد الرسائل : 117
الجنس : ذكر
الموقع : السودان
وسام الشرف : مداخـــــــل  للخـــــــروج Graaam-1e24adce792

مداخـــــــل  للخـــــــروج Empty
مُساهمةموضوع: رد: مداخـــــــل للخـــــــروج   مداخـــــــل  للخـــــــروج I_icon_minitime2008-12-24, 12:19 pm


جميل ابو القاسم

ورايعة بروعة سيدا

شكرا لك وياحبذا لو نزلت لينا بوست كامل عن مصطفي سيد احمد

لك التحية وتقبل المرور




ايمن
الرجوع الى أعلى الصفحة اذهب الى الأسفل
امنيات
المشــرف الــعام
المشــرف الــعام
امنيات

عدد الرسائل : 263
الجنس : انثى
الموقع : السودان
العمل/الترفيه : طالبه

مداخـــــــل  للخـــــــروج Empty
مُساهمةموضوع: رد: مداخـــــــل للخـــــــروج   مداخـــــــل  للخـــــــروج I_icon_minitime2008-12-25, 2:05 am



مدخل أول :
لمتين متيمم شطر النيل
متوقي اليابسة ..ووارد
متوكّي الغنية عصا موسي
بتْهش في غيم الإلفة الشارد
مهدودة القُدرة وفترانة ..
حردان الضُل البارد ...
بتْوجّل لي يوسف في البير
يطلع من بطن البير المارد !
مدخل ثاني :
فات الكان بدّينا إحساس بالإلفة
..... وكان راوينا ....
فات الباكي جرحنا وناسي جروحو
ولافيّ ورانا مدينة ... مدينة
فات الصاحي



جميل عزفك ابو القاسم لك التحية
ولرعة مصطفي سيد احمد له الرحمة
تقبل مروري

_________________
مداخـــــــل  للخـــــــروج 14110
الف شكر اخي اسمــــــــاعيل علي التوقيع
الرجوع الى أعلى الصفحة اذهب الى الأسفل
http://marsa-algoafi.mam9.com
ابوالقاسم
مشرف منتدي همس القوافي وعذب الكلام
مشرف منتدي همس القوافي وعذب الكلام
ابوالقاسم

عدد الرسائل : 178
الموقع : المملكة العربية السعودية
وسام الشرف : مداخـــــــل  للخـــــــروج Graaam-1e24adce792

مداخـــــــل  للخـــــــروج Empty
مُساهمةموضوع: رد: مداخـــــــل للخـــــــروج   مداخـــــــل  للخـــــــروج I_icon_minitime2008-12-25, 5:56 am

ايمن كتب:

جميل ابو القاسم

ورايعة بروعة سيدا

شكرا لك وياحبذا لو نزلت لينا بوست كامل عن مصطفي سيد احمد

لك التحية وتقبل المرور





ايمن


شكرا الاخ ايمن علي المرور والمتابعة المشجعة
وجميل جدا منك الاقتراح ربما قد صادف ما في
النفس من هوي .
وسوف اقوم بذالك لاحقا إنشاء الله ..
الرجوع الى أعلى الصفحة اذهب الى الأسفل
 
مداخـــــــل للخـــــــروج
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: مرسي القوافي الادبية :: منتدى همس القوافي وعذب الكلام-
انتقل الى: