قصيده غنائيه جديده من اغنيات جدة / ينابع الحنان

ينابع الحنان
*******
كلمات عمر قسم السيد
ود العمدة
عضو اتحاد شعراء الاغنية السودانية
نحن المحبة فى قلوينا نشيله
ارواحنا بتسمو عاطفة نبيله
بنفجر ينابع الحب حنان
بنعيش الريد بى قلوب تحنان
بنهيم عشاق فى بحوره وحيله
********
نحن لى دنيانا بهجة ازمان
بتشيد هوانا المراسى أمان
ربيع ازهارنا نفحاتو فواحه
بى عبير اخضرارك ياواحه
جمالنا طبيعة مزدهرة الالوان
********
أشجار واحتنا لينا ظليله
بتحلو لينا ساعات مقيله
يلا يا احباب نمشى ليها نزور
بنعيش كل الفرحه فيها حيور
نسمات هواها هابه لينا عليله
********
كم سعدت قلوب افراح ليالى
حسينا كل طعم الدنيا حالى
نحن زرعنا كل اشواقنا جنة
فاضت الاحاسيس بتدفق محنه
وديمه سامى مقامنا عالى
********
اهداء خاص / كل احيتى اعضاء منتديات مرسى القوافى
القصيدة غير ملحنه
عمر قسم السيد
ود العمدة
شاعر غنائى / جدة