قصيده غنائيه جديده من ملف اغنيات جدة / شوف سعادتك وين

شوف سعادتك وين
*********
كلمات عمر قسم السيد
ود العمدة
عضو اتحاد شعراء الاغنية السودانية
لابد يوم بتفقد حنانى
عشتو هواك أسمى المعانى
مصيرك بى هواك راجع
انا القاسيت كل المواجع
وكنت لى بهجة زمانى
********
عارفو هواك بى ساجع
فر نومى وليلى هاجع
يامفارق لابد يوم معاود
كترت ظنونى والهم يراود
لى كلام الناس انت سامع
********
يمكن حبت شخص تانى
نسيت اخلاصى و حنانى
جابى تقول بهواك انت
ناسى زمان فى عينيك هنت
ضاع عمرى ضيعت الأمانى
********
باقى هواك فى قليبى ذكرى
كنت أملى العايش لبكره
انت زمانك بدل زمانى
فاكر الحنين بعاودنى تانى
ماكفاك قلبى أهات و حسره
********
اهداء خاص / كل احبتى اعضاء منتدى مرسى القوافى
اتمنى ان تجد قصيدتى الغنائية ( شوف سعادتك وين )
القبول و الأستحسان من الجميع
القصيدة غير ملحنة
عمر قسم السيد
ود العمدة
شاعر غنائى / جدة