منتديات مرسي القوافي
طرائف عوض دكام وابو داود 376-ah10
طرائف عوض دكام وابو داود Uoo_2_10

منتديات مرسي القوافي

سنظل شمسا تهب الضياء ولا تغيب
 
الرئيسيةالتسجيلدخول

شاطر
 

 طرائف عوض دكام وابو داود

اذهب الى الأسفل 
كاتب الموضوعرسالة
خالد العبيد
مشرف منتدي الشباب والرياضة
مشرف منتدي الشباب والرياضة
خالد العبيد

عدد الرسائل : 589
الجنس : ذكر
العمر : 40
الموقع : المملكة العربية السعودية
وسام الشرف : طرائف عوض دكام وابو داود Oouo10

طرائف عوض دكام وابو داود Empty
مُساهمةموضوع: طرائف عوض دكام وابو داود   طرائف عوض دكام وابو داود I_icon_minitime2009-11-30, 9:45 am



عوض دكام مرة جوهو ناس الزكاة في مكتبو
قل ليهم اها ان شا الله خير
قالو والله نحن العاملين علي جمع الزكاة
ودايرين نحصل ما عليك من زكاة
قال ليهم كدي اقروا كتب الفقه العندكم شوفو العب عليهو زكاة

الدكتور عوض دكام بحكي وقال:
ناس الحكومة طلبوا من كل الدكاترة يعملوا دفاع شعبي
المهم قاموا ودوهم معسكر جبل أولياء وطلبوا منهم يجكوا
داخل الحلة، قام هو ومعاهو بروفيسر زاغوا فى نص الجكة
ودخلوا الحلة وهم لابسين الميري بتاع الدمورية، وكانوا
عطشانيين شديد، فدقوا باب فى الحلة، وطلع ليهم شافع
قاموا قالوا ليهو: عليك الله أدينا موية
الشافع جاب ليهم الموية وشافهم شينين كدا ولابسين الميري
إفتكرهم مساجين، فقام قال لي د. عوض دكام: ياعمو إنتو عملتوا
شنو عشان ودوكم السجن؟
قام د. عوض دكام ضحك وقال ليهو: سجن؟! حرام عليك يا ولدي
ياخي أنا راجل دكتور، وعمك اللي جمبي دا بروفيسور كبير فى جامعة الخرطوم
قام الشافع فكاها فيهم ضحكة قوية وقال ليهو: والله ياعمو إنت بتقنبلا جنس قنبيلة!

عوض دكام الله يرحمو جاء الحج وبعدين فى الصفاء والمروة
عمل ليهو خمسة اشواط وتعب خالص ونفس وقف من الطواف
اتلفت يمين وشمال الناس جارية مافى زول اشتغل بيهو
قاليها ما بالغتى يا هاجر ؟؟؟؟

ابوداود أيام قوانيين سبتمبر... النيل أبوقرون كان طالع في الكفر...
نميري اتلفت لوراء فجاءة لمح ابوداود... قال ليهو ..أبوداود !!رد ليهو أبوداود "لا أبوقرون يا ريس"
.................................
.ايام الاوسمة بتاعت نميري يوزع فيها شمال... لا قي ابوداود ..
نميري : كيفك يا ابوداود...
ابوداود : زعلان منك يا ريس
نميري : ليه...
ابوداود : شغال توزع في الأوسمة يمين و شمال و نسيتنا..
نميري : لكن انت يدوك شنو يا ابوداود...
ابوداود : اي حاجة ان شاء الله عب السودان البار

ابو داؤود وخالد ابو الروس
اتلاقو في المجلس القومي للآداب والفنون
ابو الروس صاحب فلجة واسعة
ابوداؤود قال ليه نكتة
ابو الروس يضحك ويضحك
ابوداؤود قال ليه :
عل
أبو داؤد راكب عجلة وفي كلب
جاري جنب كرعيهو وشغال: هو،
هو، هو، هو، هو......
أبو داؤد قال ليهو: ما تمشي
تشوف شغلك. أنا راكب عجلة
والا عضم؟

عوض دكام الله يرحمه متزوج مصرية المهم ولده كان لاعب كورة مع فريق الحلة وغلبوا فريق الحلة الجمبهم وديل من الزعل دايرين يدقوا ولده وجارين وراه وبكوركوا دقو الحلبي ولد الكلب ولده جرا وادسا في البيت قام عوض دكام طلع ليهم وقال ليهم :
حرام عليكم ياخي دا ولدي انا
قام واحد فيهم من الفريق المغلوب قال دقوا الحلبي ولد العب.

المرحوم أبو داؤود.. جاي هو والعازفين من حفلة بالليل وراكبين حافلة وصلوا جنب نفق بري والوقت داك كانت في حالة طوارئ في البلد ونظام حظر تجول ، في الحافلة العازفين بي كمنجاتم وعدتهم كلها فوق في الحافلة وقفم ليك العسكري.. وعرف ليك أبوداؤود.. يا ابوداؤود كيف الحال واخبارك وماعارف ايه.. وابوداوود سلم عليهو .. بعد السلام العسكري سأل أبوداؤود.. قال ليهو .. اها يا أبو داؤود جايين من وين بالليل ده... قام أبو داؤود قبل وعاين للعازفين وقبل عليهو تاني قال ليهو ..... جايين من فاتـحة!!!!

منقول


_________________
طرائف عوض دكام وابو داود No27
الرجوع الى أعلى الصفحة اذهب الى الأسفل
http://marsa-algoafi.mam9.com
 
طرائف عوض دكام وابو داود
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: المرسي الاجتماعية :: منتدي التسلية والفكاهة-
انتقل الى: