منتديات مرسي القوافي
إدفقــــــــي/ جمال حسن سعيد 376-ah10
إدفقــــــــي/ جمال حسن سعيد Uoo_2_10

منتديات مرسي القوافي

سنظل شمسا تهب الضياء ولا تغيب
 
الرئيسيةالتسجيلدخول

شاطر
 

 إدفقــــــــي/ جمال حسن سعيد

اذهب الى الأسفل 
كاتب الموضوعرسالة
ايوب البحر
المـُـــراقب العام
المـُـــراقب العام
ايوب البحر

عدد الرسائل : 362
الجنس : ذكر
الموقع : السعودية
العمل/الترفيه : موظف
وسام الشرف : إدفقــــــــي/ جمال حسن سعيد Ousuo10

إدفقــــــــي/ جمال حسن سعيد Empty
مُساهمةموضوع: إدفقــــــــي/ جمال حسن سعيد   إدفقــــــــي/ جمال حسن سعيد I_icon_minitime2009-10-19, 3:50 am


إدفقي ما تكونى رقراق

أبقي ياضل ياشموس

غطي المساحات بالوضوح

إستنهضي الشوق الجلوس

وهجك شوارع ذاتي في ليل اليباب

ما تشفقي العطش الرحيل

النيل ركيزة ودمعة الأحباب سحاب

ما تخافي من دم الغروب

لو رتش اللوحة الضباب

ما دام ضميرنا الفينا حي

ما دام عريق العشق حي

ملحوقة يا مدن السراب

نديانة بفرح التساب

إدفقي فيضان عمار إتربعى وفجي الوجع

دمع الألم ما يهددك ما خاب غناك

فارسك رجع ..

إتوهجي إنت الشمس إتلهجي

نورك سطع نور بوادينا الفساح

رقصت مزامير الصباح

مبكية قرية وقنبلة

مسقية دمعة وسنبلة

الليلة في إيدنا السلاح

ريشة ..وكدنكة .. ومطرقة ..

نبنيك أحسن يا ظروف ..

مخضرة دانية القطوف ..

نطوي المسافات نسبقا

إدفقي بلدك فداك .. إتوهطي

وري البنيات العزيق

محمية بعرق الترابلة ونغمتك

مسقية بالريد العتيق ..

أنغام رباباتك تشيل معزوفة الليل والرفيق

ما تصغري تكبر أماني السنبلة هيا اكبري

تصغر معاني القنبلة

ما ترجعي الصد للمدائن والقرى

شيلي الشحوب والاصفرار

أدي البويتات منظرا

إدفقي في كل شارع وكل بيت

في روابينا المحنة في ضمائرنا السهول

إدفقي في كل حتة وكل زول

وأبقي شان تحي الفصول ..
الرجوع الى أعلى الصفحة اذهب الى الأسفل
 
إدفقــــــــي/ جمال حسن سعيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسي القوافي :: مرسي القوافي الادبية :: منتدى همس القوافي وعذب الكلام-
انتقل الى: